ЭРХЭМ ЗОРИЛГО

Фото мэдээ

баннер

cropped-cropped-111-960x300.jpg

Facebook

“ТА СҮҮГЭЭ УУСАН УУ?” ИНДЭР-УУЛЗАЛТ 20 ДАХЬ УДААГАА БОЛЛОО

“Та сүүгээ уусан уу?” сүү, сүүн бүтээгдэхүүний нэмүү өртгийн сүлжээнд оролцогч талуудын индэр-уулзалт өнөөдөр 20 дахь удаагаа боллоо. Энэ удаагийн индэр-уулзалт ХХААХҮЯ-ны хурлын танхимд болж, сүү, сүүн бүтээгдэхүүний хэрэглээг нэмэгдүүлэхэд хийж буй ажил, санал санаачилгууд, сүү, сүүн бүтээгдэхүүний үйлдвэрлэл, худалдаанд техникийн зохицуулалтын нэмэлт өөрчлөлт, цэвэр өсгөврийн хөрөнгө үйлдвэрлэх боломж, сүүний эрчимжсэн аж ахуйд тавих ерөнхий шаардлага, түүхий эд нийлүүлэлтийн систем, сүүний урамшуулал олгох тогтолцоо зэрэг асуудалд төвлөрөн ярилцаж, харилцан санал бодлоо солилцлоо. Индэр-уулзалтад малчид, фермер, мэргэжлийн холбоод, ХХААХҮЯ-ны төлөөлөл оролцсон юм.

Глобал коммунитс ОУБ нь салбарын оролцогчдын саналыг тогтмол солилцож, хамтран ажиллах санаачилгуудыг нэмэгдүүлэхийн тулд “Та сүүгээ уусан уу” мэдээллийн индэр уулзалтыг 2012 оноос зохион байгуулж эхэлсэн. Тус уулзалтыг зохион байгуулахад Хүнс, хөдөө аж ахуй, хөнгөн үйлдвэрийн яам, Нийслэлийн Хүнс, хөдөө аж ахуйн газар, НҮБ-ын Хүнс, хөдөө аж ахуйн байгууллага, Дэлхийн банк, ХААИС, Монголын хүнсчдийн холбоо, Сүүний салбарыг хөгжүүлэх үндэсний зөвлөл, Монголын сүүний нэгдсэн холбоо зэрэг байгууллага санаачилгатай оролцож, хамтран ажиллаж байна. Монгол Улсын Засгийн газраас хэрэгжүүлж буй “Мах, сүүний анхдугаар аян”-ы хүрээнд ХХААХҮЯ, Глобал коммунитс ОУБ хамтран Дэлхийн сүүний өдөр, Азийн сүүний холбооны удирдах зөвлөхүүдийн уулзалтыг зохион байгуулсан бөгөөд сүүний салбарын нэгдмэл байдлыг бэхжүүлэхээр ажиллаж байгаа юм.

Сүүний давуу тал нь хүн амын хэрэгцээг дотоодын үйлдвэрлэлээр хангах боломжтой, үнэ, өртгийн хувьд иргэдэд хүртээмжтэй, шим тэжээлийн хувьд бусад хүнснээс онцгой шим тэжээлтэй. Эрүүл мэндийн талаас нь, Д, А, В12 зэрэг аминдэмээр баялаг, кальци, фосфор, төмөр, магни, кали зэрэг эрдэс, омега 3, 5 зэрэг үл орлогдох өөх тосоор баялаг. Хүүхдийн өсөлт хөгжилт талаас бие махбодид маш сайн шингэдэг, яс шүдийг бэхжүүлдэг. Улаанбаатар хотын хүн амын шингэн сүүний хэрэгцээг бүрэн хангах боломж байна гэж мэргэжилтнүүд үзэж байгаа юм.

“Та сүүгээ уусан уу” индэр-уулзалтаар 2012 оноос хойш сүүний урамшууллын асуудлыг хөндөж эхэлсэн. Үндэсний үйлдвэрт сүүгээ тушаасан малчид, фермерт урамшуулал олгосноор тэдний ашиг орлого нэмэгдээд зогсохгүй үйлдвэрүүд хөрөнгө оруулалтаа нөхөх боломжтой. Нөгөөтэйгүүр сүүний чанар, стандартыг хангуулах, мөшгих тогтолцоог нэвтрүүлэх, хамтын ажиллагааг хангах, шингэн сүүний өртгийг багасгах, түүхий эдийн улирлын болон импортын хамаарал бууруулах ач холбогдолтой гэж мэргэжлийн холбоо хэллээ.

Энэ үеэр сүүний үхрийн эрчимжсэн аж ахуйг хөгжүүлэх, уг аж ахуйд хүнсний эрүүл ахуй, аюулгүй байдлын шаардлагад нийцсэн бүтээгдэхүүн үйлдвэрлэж, хүн амын хүнсний хангамжийг нэмэгдүүлэх зорилгоор “Сүүний үхрийн эрчимжсэн аж ахуйд тавигдах ерөнхий шаардлага” стандартын талаар танилцуулсан. Уг стандартыг сүүний үхрийн эрчимжсэн аж ахуй эрхэлж буй иргэн, аж ахуйн нэгж болон сүү боловсруулах үйлдвэр, хэрэглэгч, хяналтын байгууллагууд дагаж мөрдөх юм. Сүүний үхрийн эрчимжсэн аж ахуй гэж өмчилсөн эсвэл эзэмшиж ашиглаж буй газарт сүүний фермийн үйл ажиллагаа эрхэлж, сүүг жилийн турш тасралтгүй үйлдвэрлэн, зах зээлд нийлүүлж буй ашгийн төлөө ажиллаж байгаа аж ахуй гээд барилга байгууламж, малын тэжээллэг, арчилгаа, маллагаа, малын эрүүл мэнд, эрүүл ахуй, хог хаягдалд тавих ерөнхий шаардлагуудыг стандартад дурджээ.

Сүүний чанар, аюулгүй байдлыг баталгаажуулахын тулд Швейцарын хөгжлийн агентлагийн “Ногоон алт, малын эрүүл мэнд” төсөл, “Дижитал медик” компани хамтран түүхий эд нийлүүлэлтийн системийн хөгжүүлэлтийг хийжээ. Систем их энгийн бөгөөд бүтээгдэхүүний үйлдвэрлэсэн огноог хэрэглэгч уншуулахад гарал үүсэл, мал эмнэлгийн үйлчилгээнд хамрагдсан үнээний сүү эсэхийг харна. Энэ нь эцсийн хэрэглэгчид чиглэснээс гадна үйлдвэрүүд дотоод үйл ажиллагаагаа хянах боломжийг давхар олгож байгаа юм.

УЛААНБААТАР ХОТЫН 2040 ОН ХҮРТЭЛХ ХӨГЖЛИЙН ЕРӨНХИЙ ТӨЛӨВЛӨГӨӨНИЙ КОНЦЕПЦ БОЛОВСРУУЛАХ УРАЛДААНЫ ҮЗЭСГЭЛЭНД ИРГЭД ОЛОН НИЙТИЙГ УРЬЖ БАЙНА.   

uzesgelenУлаанбаатар хотын цаашдын хөгжлийн чиг хандлага, алсын харааг тодорхойлох зорилгоор Улаанбаатар хотын 2040 он хүртэлх хөгжлийн ерөнхий төлөвлөгөөний концепц боловсруулах уралдааныг 2018 оны 10 дугаар сарын 11-ны өдрөөс 2018 оны 11 дүгээр сарын 12-ны өдрийн хооронд зарласан.

Уралдаанд оролцож байгаа багуудын ирүүлсэн бүтээлүүдээр олон нийтэд нээлттэй үзэсгэлэн гаргаж иргэд, олон нийтийн санал, үнэлгээг авна.

Үзэсгэлэн 2018 оны 11 дүгээр сарын 13-ны өдрөөс 2018 оны 11 дүгээр сарын  17-ны өдрийн хооронд болох бөгөөд үзэсгэлэнгийн нээлт 2018 оны 11 дүгээр сарын 13-ны өдрийн 10:00 цагт Монголын архитекторуудын эвлэлийн хурлын танхимд болно.

Мөн үзэсгэлэнгийн үеэр хот төлөвлөлтийн чиглэлээр судалгаа шинжилгээ явуулдаг эрдэмтэн судлаачид уралдаанд оролцож байгаа багуудын бүтээлтэй танилцаж шүүмж өгөх бөгөөд шилдэг шүүмжүүдийг шалгаруулна.

shuumj

Дэлгэрэнгүй мэдээллийг:

Нийслэлийн Хот төлөвлөлт, ерөнхий төлөвлөгөөний газар /Улаанбаатар хот 15160, Чингэлтэй дүүрэг, 1 дүгээр хороо, Ц.Жигжиджавын гудамж-7/1, Хангарди ордон, 13 давхар, 1302 тоот/ 11-321943 утсаар болон www.mpa.ub.gov.mn сайтаас;

“Нийслэлийн Зураг төслийн хүрээлэн” ОНӨААТҮГ /Улаанбаатар хот-15160, Чингэлтэй дүүрэг, Ц.Жигжиджавын гудамж 7/1, Нийслэлийн Засаг захиргааны II байр, Хангарди ордон 10 давхар, 1002 тоот/ 11-320753 утсаар болон updi.ub.gov.mn сайтаас тус тус лавлана уу.

“ОРГАНИК ХҮНС, ХӨДӨӨ АЖ АХУЙ” ҮНДЭСНИЙ III ЧУУЛГАНЫГ ЭНЭ САРЫН 23-НЫ ӨДӨР ЗОХИОН БАЙГУУЛАХААР БОЛЛОО

banner__last_(181107112303)Хүнс, хөдөө аж ахуй, хөнгөн үйлдвэрийн яам, Монголын бүтээмжийн төвөөс Адра Монгол ОУБ, Германы Олон Улсын Хамтын Ажиллагааны Нийгэмлэг, Монгол ногоо төсөл, Азийн бүтээмжийн байгууллага, Нийслэлийн Хүнс, хөдөө аж ахуйн газар, МҮХАҮТ-тай хамтран “Органик хүнс, хөдөө аж ахуй” үндэсний III чуулганыг 2018 оны 11 дүгээр сарын 23-ны өдөр зохион байгуулахаар боллоо.

Энэ жилээс эхлэн тус чуулган “Алсыг хар-Органикийг сонго” гэсэн уриан дор болж байна. Учир нь өнгөрсөн оны 10 дугаар сард зохион байгуулсан “Органик хүнс үйлдвэрлэгчдийн II чуулган”-д оролцогчид санал нэгтэйгээр уг уриаг Монгол Улсын органик хүнс, хөдөө аж ахуйн салбарын уриа болгожээ. Гол агуулга, алсын хараа нь органик, тогтвортой үйлдвэрлэлийн зарчмыг хүнсний сүлжээний бүх үе шатанд хэвшүүлэх, тогтвортой хөдөө аж ахуйн хөгжлийн үндэс суурийг тавих, хамгийн гол нь органик хүнсийг сонгож, урт удаан, аз жаргалтай амьдрахад чиглэж байгаа юм.

Үндэсний чуулган хөрсний чанарыг сайжруулах, органик бордоо үйлдвэрлэх, бэлчээр болон тариалангийн талбайд элдэв хөнөөл учруулж байдаг хортон шавжтай хэрхэн органик аргаар тэмцэх тухай асуудалд төвлөрнө. Органик хүнсний үйлдвэрлэлийн салбарынхан 2030 он гэхэд хүнс, хөдөө аж ахуйн бүтээгдэхүүн үйлдвэрлэлийн 5 хувь нь органик баталгаажуулалтад хамрагдсан байх зорилтыг өмнөө дэвшүүлсэн. Органик салбарын эрх зүйн зохицуулалтын хамгийн цөм, гол асуудал бол зах зээлд нийлүүлэх органик хүнсийг үнэн зөв баталгаажуулан, хэрэглэгчдэд хүргэх, буруу шошголсон бүтээгдэхүүнээс үүдэн хэрэглэгчид хохирохоос сэргийлэх юм. Тиймээс энэ асуудалд төрийн зүгээс онцгой анхаарч, Органик хүнсний тухай хуулиар эрх зүйн зохицуулалтыг бүрдүүлж өгчээ.

Органик хүнсний тухай хуульд зааснаар Стандартчилал, хэмжил зүйн газраас итгэмжлэгдсэн баталгаажуулалтын байгууллага, Монгол Улсад бүртгүүлсэн, олон улсын итгэмжлэлтэй баталгаажуулалтын байгууллага, харилцан итгэлцэлд тулгуурлан үйлдвэрлэгч, хэрэглэгч болон бусад талууд хамтран баталгаажуулах оролцооны баталгаажуулалтын байгууллага гэсэн гурван түвшний байгууллага Монгол Улсад үйл ажиллагаа явуулах эрхтэй. Эдгээр байгууллагаас өнөөдөр Монгол Улсын хэмжээнд хамгийн бодитой, богино хугацаанд үйл ажиллагаа нь жигдрэх боломжтой, орон нутгийн органик хүнсний зах зээл рүү чиглэсэн баталгаажуулалтын байгууллага бол хамтын баталгаажуулалтын байгууллага гэж үздэг.

Хуульд туссан өөр нэг асуудал бол Органик хүнсний бүртгэл, баталгаажуулалтын мэдээллийн сан. Уг мэдээллийн сангийн бүтцийн талаар дэлгэрүүлж танилцуулбал,

  1. Органик үйлдвэрлэлд шилжих шилжилтийн үеийг эхлүүлсэн, шилжиж чадаагүй, органик хүнсийг баталгаажуулах тухай гэрээ байгуулсан, баталгаажсан, гэрчилгээ олгогдсон, түдгэлзүүлсэн, баталгаажилтыг хүчингүй болгосон аж ахуйн нэгжийн бүртгэл
  2. Үндэсний, экспорт, импортын органик хүнсний бүтээгдэхүүний бүртгэл
  3. Баталгаажуулалт байгууллагын бүртгэл зэрэг болно.

Ийнхүү “Органик хүнс, хөдөө аж ахуй” үндэсний III чуулганы үеэр organicmongolia.mn цахим хуудас, Органик хүнсний бүртгэл, баталгаажуулалтын мэдээллийн сан, Органик хүнс үйлдвэрлэгчдийн клубын нээлтийн арга хэмжээг зохион байгуулахаар төлөвлөж байна.

Чуулганыг угтан энэ сарын 20-22-ны өдрүүдэд “Органик бордоо” сургалт, дадлага болно. Эхний хоёр өдөр оролцогчдын дунд онолын мэдлэг олгох сургалт явуулж, сургалтын гурав дахь өдөр Төв аймгийн Баянчандмань суманд үйл ажиллагаагаа явуулдаг “Монгол экологийн бордоо” ХХК-ийн био бордооны үйлдвэрт практик дадлага хийх юм.

УлаанБаатар

cropped-cropped-111-960x300.jpg

Видео

Баннер*

cropped-cropped-111-960x300.jpg

Санал асуулга

Манай байгууллагын үйл ажиллагааны талаар таны санал

Нийт дүн