тэргүүний фермер 2

Мал аж ахуйн салбарт үр бүтээлтэй ажиллаж, амжилт гаргасан аж ахуйн нэгж, иргэнийг Засгийн газраас “Улсын аварга фермер”-ээр шалгууран шагнаж урамшуулдаг. Энэ жил 21 аймаг, нийслэлээс ХХААХҮЯ-нд ирүүлсэн материалыг шалгуур үзүүлэлтийн дагуу дүгнэж, Архангай аймгийн Чулуут сумын Зуунмод багийн малчин Л.Мясардорж, Увс аймгийн Улаангом сумын наймдугаар багийн малчин Т.Алтангэрэл, Нийслэлийн Хан-Уул дүүргийн 13-р хорооны “Угтуул-Алтай” ХХК нь “Улсын аварга фермер”-ээр шалгарсан.

тэргүүний фермер

 Нийслэлээс шалгарсан аварга фермерийн шагналыг Хан-Уул дүүргийн Засаг дарга Ж.Алдаржавхлан, ХХААХҮЯ-ны Мал аж ахуйн бодлогын хэрэгжилтийг зохицуулах газрын ахлах мэргэжилтэн Я.Алтангэрэл, Нийслэлийн Хүнс, хөдөө аж ахуйн газрын Эрчимжсэн мал аж ахуйн хэлтсийн дарга Д.Баярсайхан, мэргэжилтэн Т.Нарантуяа, хорооны удирдлагууд болон холбогдох албаныхан гардуулж өглөө.