ГАДААД ХАМТЫН АЖИЛЛАГАА

ЭРХЭМ ЗОРИЛГО

ФОТО МЭДЭЭ

баннер

cropped-cropped-111-960x300.jpg

БҮГД НАЙРАМДАХ СОЛОНГОС УЛСЫН КИМХЭ ХОТЫН ХӨДӨӨ АЖ АХУЙН ТЕХНОЛОГИЙН ТӨВТЭЙ ХАМТРАН АЖИЛЛАХ ГЭРЭЭ БАЙГУУЛАВ

30531287_2087974914551276_7431464711201226752_n

Нийслэлийн Засаг даргын 2018 оны 03 дугаар сарын 28-ны өдрийн А/264 дугаар захирамжаар Нийслэлийн Хүнс, хөдөө аж ахуйн газрын дарга Д.Баянбат, Нийслэлийн Хүнс, хөдөө аж ахуйн газрын гадаад харилцааны асуудал хариуцсан мэргэжилтэн Х.Билигсайхан нар 2018 оны 03 дугаар сарын 27-29-ний өдрүүдэд Бүгд Найрамдах Солонгос Улсын Кимхэ хотын Хөдөө аж ахуйн технологийн төвтэй хамтран ажиллах гэрээг амжилттай байгууллаа.

30531237_2087974904551277_3367432330623844352_n

Тус санамж бичгийн хүрээнд Нийслэлийн хүнс, хөдөө аж ахуйн газар болон Кимхэ хотын хөдөө аж ахуйн технологийн төвүүд хөрөнгө оруулалт, эдийн засгийг дэмжих, шинэ техник, технологийг нэвтрүүлэх, туршлага судлах, мэргэжил дээшлүүлэх сургалт зохион байгуулах, хүнсний боловсруулалт хийгдсэн бүтээгдэхүүнийг таниулах, дэмжих тал дээр хамтран ажиллахаар тусгасан.

Гэрээ үзэглэх ёслолын дараа Нийслэлийн хүнс, хөдөө аж ахуйн газрын дарга болон БНСУ-ын Кимхэ хотын Хөдөө аж ахуйн технологийн төвийн дарга нар хамтран ажиллах гэрээний хүрээнд санал солилцох уулзал хийсэн.

Уулзалтаар Кимхэ хотын хөдөө аж ахуйн технологийн төв нь Нийслэлийн хүнс, хөдөө аж ахуйн газартай хамтран Улаанбаатар хотод хөдөө аж ахуйн сургалтын төв байгуулах саналыг тавьсан нь энэ удаагийн уулзалтын нэг том үр дүн болсон.

Мөн Нийслэлийн хүнс, хөдөө аж ахуйн газрын дарга Д.Баянбатад Кимхэ хотын хөдөө аж ахуйн технологийн төвийн дарга 2018 оны 07 дугаар сард Улаанбаатар хотод зочлох бодолтой байгаагаа илэрхийлсэн бөгөөд Д.Баянбат дарга хүсэлтийн хариуд Улаанбаатар хотод зочлох үеэр нь тус хотын хөдөө аж ахуйн салбарыг танилцуулах, туршлага судлуулах болно гэдгээ илэрхийлсэн.

Мөн БНСУ-ын Кимхэ хотын газар тариалангийн салбарын шинэ техник, технологитой танилцах ажлыг 2018 оны 03 дугаар сарын 28, 29-ний өдрүүдэд хийсэн. Уг ажлын хүрээнд Кимхэ хотын гүзээлзгэний, цэцгийн, амтат чинжүүний аж ахуй, кимчи, далайн байцаа, дарсны үйлдвэрүүдтэй танилцаж туршлага судалсан.

Энэхүү шинэ техник, технологитой танилцах ажлын хүрээнд БНСУ-ын Кимхэ хотын Хөдөө аж ахуйн технологийн төвөөс туршлага судлах, мэргэжил дээшлүүлэх сургалтын хүрээнд Нийслэлийн хүнс, хөдөө аж ахуйн газрын мэргэжилтнүүд болон хүлэмжийн аж ахуй эрхлэгчдийг хамруулах боломжтой гэдгийг дурдсан.

Уулзалтад оролцох үеэрНийслэлийн хүнс, хөдөө аж ахуйн газрын дарга Д.Баянбат Улаанбаатар хотын хүнсний үйлдвэрлэлийн салбар тэр дундаа кимчи, далайн байцаа үйлдвэрлэлийн өнөөгийн байдал, борлуулалт, зах зээлийн талаарх мэдээллийг өгсөн.

БНХАУ-н БЭЭЖИН, ХАРБИН, ЖИЛИН ХОТОД АЖИЛЛАСАН ГАДААД АРГА ХЭМЖЭЭНИЙ ТАЙЛАН

IMG_4226 IMG_4277 IMG_4492 IMG_5307Эрчимжсэн мал аж ахуйн хэлтсийн мэргэжилтэн Ц.Ариунзул 2017 оны 08 дугаар сарын 18 – 09 дүгээр сарын 05 өдрүүдэд БНХАУ-ын Бээжин, Харбин, Жилин  хотын “Хөдөө аж ахуйн тогтвортой хөгжил,  хүрээлэн буй орчны хамгаалал”сэдэвт сургалтанд хамрагдав.

Тус сургалтын хүрээнд:

- Хятадын хөдөө аж ахуйн газар нутгийн хөрс, түүний ашиглалт, хамгаалалт,  сайжруулалт

- Хятад дахь ургамлын үйлдвэрлэл, хамгаалагдсан цэцэрлэгжүүлэлтийн хөгжил

- Хятадын хөдөө аж ахуйн бодлого, төлөвлөлт

- Хятад дахь хөдөө орон нутгийн шинэчлэлт, хөдөө аж ахуйн хөгжил

- Хятад хэлний тухай

Хэйлонгжиан /Харбин/ болон Жилин мужийн хотуудад ХАА-н органик газар тариалангийн хөгжил, усан болон ойн аж ахуйн паркуудтай танилцлаа. Харбин нь усан паркаараа алдартай мөн Жилин хот нь ойн паркаар алдартай бөгөөд ойн аж ахуйн хөгжлийн түүх, дурсгалт газруудыг үзэж танилцав. Жилин хотод шинээр байгуулагдаж буй шинэ төсөл болох хүнсний үйлдвэрлэлийн бүс нутгийн хөгжилтэй боллон төсөл хэрэгжүүлэгч хамтран ажиллах талууд Хятад, Сингапур, Өмнөд Африкийн орнууд нийт 100 гаруй орнуудын эрдэм шинжилгээний байгууллага, мэргэжилтэнүүдийн судалгаан дээр үндэслэсэн маш өргөн хүрээний төслийн үйл ажиллагааны танилцууллага, тухайн бүсэд шинэ хот байгуулж зөвхөн хүнс үйлдвэрлэлийн процессийн эхний шатаас эцсийн бүтээгдэхүүн үйлдвэрлэж  хэрэглэгчдийг эрүүл, аюулгүй хүнсээр хангах, хүнсний хангамж, аюулгүй байдлыг хянах хяналтын системийг бүрэн нэвтрүүлсэн төслийн үйл ажиллагааны явц, бүтээн байгууллагттай танилцсан үр дүнтэй, сонирхолтой сургалт байлаа.

БҮГД НАЙРАМДАХ ХЯТАД АРД УЛСЫН ШЭНЬСИ МУЖИЙН ЯНЛИН ХОТОД БОЛСОН СУРГАЛТАНД ОРОЛЦЛОО

2252Бүгд Найрамдах Хятад Ард  Улсын Шэньси мужийн Янлин хотод 2017 оны 05 дугаар сарын 19-ны өдрөөс 06 дугаар сарын 08-ны өдрүүдэд “Хөгжиж буй орнуудын үхрийн махан бүтээгдэхүүн үйлдвэрлэл болон сүүний үйлдвэрлэлийн технологи – 2017” сэдэвт сургалтад тус газрын Хүнсний үйлдвэрлэлийн хэлтсийн мэргэжилтэн Ч.Батхүү, Ч.Чулуунцэцэг нар оролцлоо.

Сургалтанд: Монгол Улс, Бүгд Найрамдах Өмнөд Судан улс, Бүгд Найрамдах Зимбабве улс, Бүгд Найрамдах Панам улс, ӨмнөдАфрикийн Бүгд Найрамдах улс зэрэг 5 улсаас нийт 25 төлөөлөл  оролцсон.Манай улсаас төрийн болон хувийн хэвшлийн байгууллагаас нийт 9 хүний бүрэлдэхүүнтэйгээрхамрагдсан. Сургалтын хөтөлбөрийн дагуу 2017 оны 05 дугаар сарын 20-29-ны өдрүүдэд үхрийн мах, сүүний чиглэлийн үнээний үүлдэр, хоол тэжээл, бүтээгдэхүүн үйлдвэрлэлийн менежмент, хонь, үхрийн фермийн аж ахуй эрхлэх бүс, түүнд тавигдах стандарт, мал амьтны өвчин, түүний тархалт, хүнсний үйлдвэрлэлийн хяналт, сүүний фермийн технологи, эрчимжсэн фермийн хүрээлэн буй орчны хяналт зэрэг 14 чиглэлийн сэдэв бүхий 112 цагийн танхимын сургалтад хамрагдсан. Янлин хотын Мэргэжлийн болон техникийн коллежийн шинжилгээний лаборатори, Хөдөө Аж Ахуйн Модерн Парк, үхрийн махны үйлдвэр Кинг Булл ХХК-ны үйл ажиллагаатай биечлэн танилцаж, туршлага солилцлоо. Мөн Шиан хотноо Хятад улсын Хөдөө аж ахуйн өнөөгийн байдал, цаашид авч хэрэгжүүлэх бодлогын талаарх онол практикийн хурал, Янлин хотноо Хөдөө аж ахуйн хөгжлийн форумд тус тус оролцсон. БНХАУ-ын Хүнс, хөдөө аж ахуйн яамны санхүүжилтээр Янлин хотын Олон улсын солилцооны төвөөсзохион байгуулсан тус сургалт нь хөгжиж буй орнуудын хөдөө аж ахуйн салбарын удирдлагууд, мэргэжилтэн албан хаагч, үйлдвэрлэл эрхлэгч нарт үр өгөөжтэй, онол, практик хосолсон сургалт болж өндөрлөлөө.22

УЛААНБААТАР

cropped-cropped-111-960x300.jpg

видео

Цаг агаар

Холбоос

санал асуулга

Манай байгууллагын үйл ажиллагааны талаар таны санал

Нийт дүн